發新話題
打印

[心得交流] Cartier Calibre 維修服務一肚氣

Cartier Calibre 維修服務一肚氣

Cartier Calibre 維修服務一肚氣
[按此打開] [隱藏]
對於香港Cartier 既服務, 我真係一肚氣 , 意想不到一個咁大既牌子, 服務會係咁 .  

話說本人係 3年前係歐洲Cartier AD 買左只 Calibre, 係13年尾突然只錶個日子唔識跳, 咁就拎去香港既Cartier Shop 度整啦, 都知道岩岩過左2年國際保養, 諗住都要俾錢整返啦, 前前後後, 到今日為止來回左都有7-8次...都仲未整好, 激到我彈起,

第一次維修後, 佢話有d零件損壞左, 話換左, 同抹左油, 收左我仟幾蚊, ok 啦  點知....個日子行到23號又停低, 咁又攞返去 Cartier Shop 度, 之後又等幾個禮拜, 又通知我攞得, 去度佢又話師傅又整左d野, 而家OK 架喇, 已經check 清楚喇.   到跟住果個23號, 只錶個日子又停左, (即時火起 ), 又去返Shop 度同佢理論, 再搵埋佢個Shop Manager 黎理論, 佢地都已經Sa 晒冧話唔好意思, 但係我就梗係唔滿意, 因為而家連你地自己既product 都唔識維修, 咁真係笑大人個口啦..... 跟著過左幾個禮拜, 間shop 又打俾我, 話只錶攞得喇, 仲話今次終於同我爭取到免費換個機芯, (老實講, Cartier 既機芯唔係得3年貨仔呀嘩?? ), 咁我又去返shop度攞錶啦....一心諗住連機芯都換埋, 應該攪掂喇掛, 點知......

過左兩個禮拜, 個日子行到又係23號停低.....我都俾佢攪到謝晒......唉.....又攞返去shop, 同佢講你不如換個只錶俾我啦, 佢地就話即管試下, 點知前兩日間shop打俾我, 話香港Cartier 既 Customer Service Department 話唔會同我換錶, (呢度先至係Cartier Hong Kong 最無理既地方), Customer Serivce Department 話只係會再幫我換一個機芯, 同埋送番條錶帶俾我當係補償.  

嘩.....   即刻慶過火屎, 你Cartier 唔係已經換左我個機芯啦咩??....都唔work, 你仲同我又換機芯做咩呢???  唔通我個個月23號攞只錶返黎俾你同我換機芯咩......唔好玩啦, 呢d咁既服務態度點得架......我唔係想要你條錶帶啊....我係想買你只錶黎帶架........你咁講即係你d錶唔得啦??.....你地Cartier 自己都唔識維修自己d product 啦????...

直到今日, 仍然處於膠著狀態, 我就來來回回走左成7,8次, 未知Cartier 有咩回覆俾我......但我好想同大家分享呢件事, 等大家買錶前有心理準備.

TOP

發新話題